37-
Zaf axayan sey to zulim kerdû, sey ma feqîran
Gûnê ma firr kerda, banî berz kerdî pê ma esîran
Yîn ra çew nêmendû, pêr merdî kewtî binê erdan
Eyro zî kutîkî mîz verdenî, dêsanê ey banan
38-
Ma, verge veyşanêr marr boneyêrî
Ma, zaf wendeyî, şêxan ra alimêrî
Ma camêrdî, duşmen ra çim surêrî
Ma, zaf axayan û began ra zi pîlêrî
39-
Mêriko kîbir ra dur şo, o gelîk ehmeqû
Vanû qey resenû koyan, erd qul kenû
Cor ra ewnîyenû, pirnike zî berz kenû
Şeytan ci ra remenû, o nêzanû se kenû
40-
Cinîya ke zaf huyena, tede heya çîn a
Eke porê eya dergû, tede zekâ çîn a
Zaf kuçan bigeyrû, sadiqîye ya çîn a
Xora bena qeşmer, holîye ya zî çîn a
