ZAZAKÎ ME’ALÎ ÇEN SUREYANÎ QUR’ANO PÎROZ
96- SÛREYA ELEQE
1-Biwane binameyê Homayê xo o, cîhan xelq kerd
2-Û însan î zî nutfeyê heskerdiş û eleqe ra xelq kerd.
3-Biwan û bizan ke Homayê to hemin comertêrû.
4-Û (yî) pê qeleme nuştiş (şima) musna.
5-Çîyo ke însan nêzanayîn yî da însan musnayîş
6-7-.Rayna zî însan xo asî kenû û xo serê heme çî de (mustaxnî) veynenû.
8-Hal noyo ke (însan) peyen ageyrenû Homa yê xo hete.
9-10-Biewn ayo ra nêverdenû o bende zerr ra verê xo tabido mi!
11-Ayo ke tivînenî (verê xo tadaya Homay) belkî rayero raşte deyû?
12-Yan zî teqwa emir kenû.?
13-(O bendeyê mi) bivatîn noyo zura û rîyê xo tabidayîn gelo heyna rind bîn?
14-(O asî) Gelo nêzanû ke Homa heme çî veynenû?
15-16La ney! Eke o –asî- kerdeyê xo ra poşman nêbu ma biskey yî ra tepişenî û ma yî kaş kenî.
17-Wa o wext vendû hemdemanê (meclisê) xo.
18-Ma zî vendenî zebanîyanê xo.
19-La ney ! Ti, o rê (o asî) mile çewt meki ! Secde (îtaet) bik û bênizdî(Homayê xo).
94- SÛREYA ÎNŞÎRAH
1-Gelo ma sîneyê to nêakerd?(Ma to asan nêkerd?)
2-3-Baro ke mêneyê to çewt kerd bi gelo ma to sera hawanêna?
4-Gelo ma nameyê to mîyanê şar de berz nêkerd?
5-Her zorîye dima yew asanî esta wa qet şipheyê şima çin bo.
6-Belê her zorîye de yew asanî esta.
7-No hal de asanîye de nemir mebi.(Goşasur mebi)
8-Û bieleqe verê xo tabide Homayê xo.
95-SÛREYA TÎN
1-Wa bêro ziwan zeytun û încil !.
2-Wa bêro ziwan koyê sîna !
3-Wa bêro ziwan şaristano ewle !
4/5-Ma, însan bişeklo tewr rind xelq kerd û badecu tadîya biy xirabî xiraban (biy esfelesafîlîn)
6-Encax eyî ke bawer kerdî holîye, raştîye, aştîye,durustîye ser o xebetîyenî eyî heqê xo gênî; wa qet şipheyê şima çin bo.
7-Ey însan ! Ti çi semed no hawa yew dîn red kenî?
8-Gelo Ellah, hemin hakimêr nîyû?
97-SÛREYA QEDR
1- Ma, no quran şewa qedr î nazil kerd
2- Ti zanî, şewa qedr î çinaya?
3- Aya şew, hemzar aşman xeyrînêra.
4- Aya şew, Ruh û meleketî biîznê Homay semedî heme kar ref bi ref yenî war.
5- Hetan seher î aya şew, aştî û selametî esta.
99-SÛREYA ZÎLZAL
1-Waxtu ke erd bi hêrs lerza
2-Waxtu ke giranîya xo eşt teber
3-Waxtu ke însan vacû “ se bîyû no erd î?”
4-A roj erd yenû ziwan û xebar danû
5-Çunkî Rebbê to o rê wehye kerdû
6-A roj , semedu ke însanî kerdeyê xo vîni yew bi yew, ref bi ref arêdîyenî
7-Her kam mîsqalîk holîye kerda aya veynenû
8-Û her kam zî mîsqalîk xirabîye kerda aya veynenû.
101-SÛREYA QARÎ’E
1-Qarî’e ? (Halagurîya pîl-qiyamet)
2-Ti zanî halagurîya pîl-pirxewf- çinaya?
3-Ti zanî halagurîya pirxewf çawa bena?
4-A roj î însanî sey perwanan vila benî(sey mêşinan her yew cayk de şinî)
5-(A roj) Koyî sey peşme vila-vila benî.
6/7-A roj holîyeya kamî zêde bo ayo/aya cuyayîş kû bextîyar dewam kenû/a
8/9- A roj holîyeya kamî kêm bo, erzîyenû mîyanî hawîye
10-Ti zanî hawîye çinawû?
11-O adirî kû harû-daxkerû.
81-SÛREYA TEKWÎR
1-Wextû ke roj/tînc tarî bi
2-Wextû ke astareyî hawna şî
3-Wextû ke koyî kewtî rayer
4-Wextû ke deveyîk awrayî barê xo eşt
5-Wextû ke heywanî wehşî arê bî
6-Wextû ke deryayî kelîyenî/girîyenî
7-Wextû ke merdimî kerdeyanê xo veynenî
8/9-Wextû ke a gede ra ame persiş vacîya “çi suc ra ganî-ganî debîya gor”.
10-Wextû ke defterê kerdeyan abi
11-Wextû ke posteyê asmîn ser bi
12-Wextû ke cehnem har bi
13-Wextû ke cennet ame çiman ver o
14-Her kes çina ro çend hedrewû veynenû.
15-Ney ! Bêrîn ziwan ey ay astareyîk vînd bî !
16-Bêrîn ziwan ey ay seyareyî ke raywanî !
17-Bêziwan ey aya şew ke ha bena tarî !
18-Bêziwan ey ay sehero ke ha benû roşin (vace);
19-No Quran vateyê pêxemberî kû pirşerefû.
20-O Homay hete de zaf qiymetdarû.
21-Vateyî yî erd nêmanenî û zaf zî emînû.
22-No embazî şima cindar nîyû.
23-O meleketê wehye ufuq de dî
24-Nê zanayîşu ke yî girewtû semedê debarey yî nîya.
25-(No Quran) Vateyî şeytano qewernaye zî nîyû.
26-Tima ke no hawaya şima sera şinî?
27-Goşanê xo akîn ! No Quran însanîyet rê yew şîretû.
28-(No Quran) Semedê merdumî heqparêzanû.
29-Wayerî kaînat hetan çîk nêwazû şima nêeşkenî çîk biwazî.
