84-
Tay alimî fikirnenî, çewte ra vanî rast a
Ê bînî murizênî rasteyê înan ra vanî çewt a
Xerîbzeman vano feleke ma de kay kena
Zindewarî muxlaq a çi çewte ya çi raste ya
85-
Madem e’mrê to, pê wel-wele şin o
Bi bîyaye û çinbîyaye dima sera şin o
Ti do bimirî, barê to ber bihewa şin o
La, kam çawa ameyo ay hawa şin o
86-
Ameyîşê to ena dinya de çîk nêzêdna
Vate û nuşteyê to ra kes çîk nêfehmna
Remayîşê to, ehmeqan ra to nêxelesna
Şîyayîşê to ena dinya ra çîk nêkêmna
87-
Sirrê bîyayîş î ne ti zanî ne ez
Felek ra ne ti fehm kenî ne ez
To, çi mi xelq kerdo bilez û bez
Ma, heme xeyalî ne ti estî ne ez
---
