114-
Ya
îlahî! Şukur to rê to na mey a delal xelq kerda
Ma
to rê perestîş kenî to eya derdan rê daru kerda
Eya
bişewqê şemaîlo xo tarîyo zulmet pirrnur kerda
Eya
biboy a îrfanê xo, ma dervêş û dîwanê kerda
Xerîbzeman
115-
Tînc
a gemar peyê hewt koyan ra war kerd oxeyş
Şew
a çimqurr lehefê xo ant ma sero şukur oxeyş
Meyxaneyî
rengîn berî akerdî ma kewnî zere oxeyş
Dilberi
çimzeytunî reqesênî ma dormare rê oxeyş
xerîbzeman
116-
Ma
meyperestî serxoşî xodkewteyî
Nalet
bêro hem çewteyî hem raşteyî
Ma
qal û bela ra gewzî weşî viraşteyî
Şêx
kam o? Mîre kam o? Ma azadeyî
xerîbzeman
117-
Ey
sakî yê meyxane yê aşiqan
Hîmet
biker nêbendeyî derdbaran
Qultêk
awê çêle yê adirê bêzaran
Wa
bişiknî pergalê bêqeraran
xerîbzeman
118-
Ey
ya sakî! Wayerê bêwayeran, lêftoxê hesiran
Ey
ya weşziwan û weşzerr û weşri! Keywarê esîran
Ma
ehmeqî, ma nezanî ma rê aker fekî nê şuşayan
Ma
seyrê xo yê batinî şeyrî, bukî cemaatê mestan
Xerîbzeman
119-
Emşo şew a zerrweşîya şerabê harr kerdişî şimneno
Herr a xemî binê payanê to pê çimanê xo kilwale keno
Fikîyanê baxçeyê eşqê to bi efsunê çimanê to çîneno
Komgehê derwêşan de xo radestê pîrê aşiqan keno
Xerîbzeman
120-
Na
şewa sîya mubareka tede awê heyatî esta
Lêfê
deryayê derdan de xebera umudî esta
Hesranê
bermayîşî zerran de bêwefayî esta
Şodırê
na şewe de tanya tînca heqîqetî esta
Xerîbzeman
121-
Putxaneyê
zerrî ya mi de serput derdê mino
Şerabê
qedeha xeyelan sertacê warê mino
Pîro
ekmel, sebebê heraretê îsanefesê mino
Ufuqê
hîçbîyayîşî,yekta menzîlê e’mrê mino
xerîbzeman
122-
Ey
şuşa! Ti mehremê esrarî mina
Ti
tewafgeha mîhrabê ruhê mina
Ti
îsrafîlnefesê qîyametê eşqê mina
Ti
zumrud anqayê xeyalanê mina
Xerîbzeman
