72-
Awirê na dilbere ra zerrîya mi bîy wêran
Sey tîre sîneyê mi de mendi, çînû seyran
Ez hînî gerdenbendeyê eşqo, ya Rehman
Cewherê alem heskerdişû, ey xerîbêzeman!
73-
Mîrê însan, bixo pê heskerdiş elawya’wû
Mêzinê cuyayîş zî pê edalet ronîya’wû
Şeytano recîm, xayînû ha ma dima’wû
Bi bexşkarî şo, beheşt ha paweyê ma’wû
74-
Feqîrîye û bindestîye qederê çewî nîya, bira
Zordaran rê mile meron, azadîye şeker şîrinêr a
Şarî é bînî azadî, qey dinyaya yîn yê ma hewlêr a
Homa cenge nesîbê ma kerda, yê ma hemin pîtêr a
75-
Vengê teyaran û firfirakanê dişmenî asmîn girewtû
Bombeyan varnenî dewan veşnenî zerr adir girewtû
Pê êynîn fehşîye kenî, vanî qey welatê ma girewtû
Cîwanî neweyî vecîyayî, pêrin keleş û rext girewtû