53-
Adirê zerrîya mi, ezîyetê aya ra wû
Hesrê çimanê mi, abiryayîş aya ra wû
En qîrayîşê mi, goşasureyê aya ra wû
Milê mi pirodîn, ferman zî aya ra wû
54-
Gelo herr nêbayn, varit çinay rê bîn
Şew tarî nêbayn, roj çinay rê bîn
Xirabîye nêbayn, holîye çinay rê bîn
Eke eşq zî nêbayn, dîlber çinay rê bîn
55-
Ena dinya çend pîsa, ma kewtî de
Ê ma zî heyatû? Lezzet çînû tede
Nameyê ma estû lîsteyê merg î de
Mutlaq ma şinî, o refo mechul î de
56-
Axirê zemanû, dostanî çewî de nêbena
Zindewarî zî zalima, ci ra umud nêbena
Lo embazo! Pê ena qin camêrdî nêbena
Xo rê zaf biwani! Bêqeleme doz nêbena
------