127-

Emşo astorê nefsê mi bêgem û serrkêşo

Çîmî yar mexmurî fîtneyînî, ez xo ra pêşo

Hingemînî serî lewê ya cêrînî xo rê bilêşo

Bi dalpayê Şerabê asmînan ruhê xo buşo

                                           Xeribzeman

128-

Ya pîro berz destur bide ma tafînî çilaya gulbangî

Aker penceraya nîyazî wa hîşyar bibî nê awirtengî

Postê hesskerdişî rake wa bicenî sazcenî bilbilvengî

Wa şerhe-şerhe bibî sîneyî kerreyînî hesrî gunrengî

                                                        Xerîbzeman

129-

Ya talîb! Adirê şehwetî,sebebê heme guneyan o

Bizane! Nîyetê Merdimî binê ziwanî de nimite yo

Hêrs û întîqam, açarêno to ser sey e’ksê seda yo

Bele! Sîneyê xayînan halînê maran û kelpeyan o

                                                     Xerîbzeman

130-

Mey û bade û tembur û cuş û huruşo efsunî

Hêrs û xezebê tersî Qamçî ya Virsoyê asmînî

Kam vano se wa vaco, ma şimnenî bêperwayî

Çîmî derzîn ma rê benî hendeyî e’rdo bêpeynî

                                                    

                                                   Xerîbzeman

131-

Badekêşo ez zerrî ya min a wêrane est a

Serdî şodirî de zerrî ya min a gundar est a

E’mrê mino teng de dinya ya qehpike est a

Serî sîneyê mino xemwer de kill a sur est a

                                               

                                             Xerîbzeman

123-

                                                  

Ney û mey û derdî de herc û merc bîyo ez

Kul û mewt û qehr û qotikî de elawyayo ez

Mîyanê çêleyê adirî de sey mume helyayo ez

Behrê bêwefayan de xerq bîyo xeneqyayo ez

                                                   xerîbzeman

124-

De bêrîn terêqê ma terêqê hîçbîyayîş o

Wadîyê wehîman û xeyelan ra feletyayîş o

Zumrud anqa ya zerrî ya xo dim şîyayîş o

Keywarê xeman û fîtneyan de raperrayîş o

                                          Xerîbzeman

125-

Duyê ataşgedeyê sîneyê mi asmînan girewto

Tersê xişm û xezebê şahê aşiqan ruhê mi lêfto

Çimanê mi ra gûn a zerrî ya mi çime eşto

Eya saqî! Bilutuf û keremê to ez xemperesto

                                              Xerîbzeman

126-

E’ksê rubarê şerabî ra serxoşo ez

Vateyanê neqşînan ra masayo ez

Merdumo zerrpuç ra remayoxo ez

Raywanî îlmê ledunîyo gêj bîyo ez

                                   Xerîbzeman