88-
Şewa tarî de şilîye varo çi weş o
Zere de soba taviste bo çi weş o
Kê mey a xo bi qurtnin çi weş o
Xeyalê dilbere çi weş o çi weş o
89-
Nomus, kewto mîyanê çomirî
Şeref, kewto peyê bero asininî
Camêrdîye merda şîya binê herrî
La xerîb seko! Wa boro awê adirî
90-
Mey, ma rê helala ma wenî çeng û çend
Leq-leq mekîn! Vateyê şima vengo veng
O ke şingeno, milê şima de zengo zeng
Çîmî şima korî, hîşê şima zî tengo teng
91-
Wax hewar hewar! No çi risîyayî ya
Wele şima sero bo! Na çi nezanî ya
Şima senî qiymetê roşinvîran nêzanî
Wallahî verneyê şima zaf-zaf tarîya
