45-
Dinya fenaya, fanîya xo mekiş lîya
Sîneyê xo aki, bi destû veng bê tîya
Berê ma akerde wû bê zere bextsîya
Çareyê neçarîye çînû, bori ena meya
46-
Mal û mulk arêmedîn, wollahî adirû surû
Tima ke merg estû, her çî jehr û zuqumû
Derd hurdi- hurdi varenû, eno ezabû pîlû
Homa ma ceza kenû, peyen mewt û kulû
47-
Eşq û şerab û saz xuyê minû
Dur vindîn! Eno gureyê minû
Sakîyû gunehkar, dostê minû
Meyxane wû tarî zî cayê minû
48-
Rizqê mi, ena dinya de bermayîşû
Mîyanê çerxê felek de elewyayişû
Her kuçe de erd ro feknur kewtişû
Ehwalê mi, binê dêsan de nalayîşû
----