HAYA TO Mİ ÇÎNYA
XERÎBÊZEMAN
Ez aşiqê to yo
Haya to, mi çînya
Serê kuçeyê şima de ez pîr bîyo
Binê varan de ez pûç bîyo
Şew veyrenî
Roj veyrenî
Çimê mi, ha to deyî
Ez kor bîyo
Haya to, mi çînya
Teyran ziwanê mi werdû
Ez nêeşkeno xo eşkera biko
Çimanê to de germinîya roj î esta
La, ez nêeşkeno biewno înan ra
Porê to, vay de kay kenû
Zerrîya mi, mi wena
Destê mi kilmî, ez de nêreseno
Ena tenganî, mi rê barîkû giran a
Milê mi kewtû
Ez quliz bîyo
Haya to, mi çînya
Dinya û alem eşqê mi pê hesîya
Dar û birr, kerra û kuç mi rê bermayî
Meydarî, mi meyxanan ra fetelnayî
Gedeyî, kewtî mi dim, pê mi huyayî
Cenîyî vatvatoxî, leqmatîkî mi ra nayî
Ez nan û awe ra biryayo
Bîyo sey mumê qendîl î
Ti çend qetrehma
La qey?
Haya to mi çînya
*****
