80-
Na dinyaya ke vanî, yew wareya ma rê
Cennetû ke vanî, helîk kêfweşîya ma rê
Cehennemû ke vanî, yew ‘emrêkû ma rê
Hayayî de geyrayîş ezabê qebrû ma rê
81-
Hero çimveyşo! Qut arêmedi ti geber benî
Kirtikîk aqil to de bibû ti ruşenî mird wenî
Ti çikodîye bikî, ewladî xirabî gezi kenî benî
Mi va, ti mirenî la û laser qutê to şuyenî benî
82-
Her kamî wayîrî serwetî ehmeqî, zirr cahîlî
Êyî ke înan rê teweccuh kenî zirr-zirr cahîlî
Madem kes qiymet nênawnenû îlm û alim î
Ma zî tîya ra şeyrî, wa bêşêwan manî nê malî
83-
Ez sond waneno bi no Homayê erdan û asmînan
Havileyê zaf merduman çin ya wallahî bêguman
Xirabîye binê vewre de nênimyena bi dîn û îman
Homa vanû “mi cehnem viraştû qeybi nê zaliman”
