76-
Ya rebb! Meydan hîra biki wa cayê mi bol bibû
Yew dilbere bidi mi wa rind û zaf zi hol bibu
Mi ser o şerab varnin wa no bende serxoş bibû
Heme qehr û qotikî ra wa xo rê azade bibû
77-
Ya Rebb!Her kar û gureyê to de hikmetîk estû
Eke to şerab viraştû, îlla tede heqîqet zî estû
Ê sofîyî to zurkerî, mîyanê yîn de şeytan estû
Ez bendeyîko pîrozo, la çi gureyê yîn mi estû
78-
Porê mi biy sipe, qebre vendena hey-hat
Xortanî ona şî, mi çîk ra nêgirewt mirad
Bindestan de her rojê mi vîyart bi feryat
Hînî wextê mergîyû çinay rê benû heyat
79-
Ey qedeh! Nata bêy lewîk bino çareyê to ra
Çimeyê to sel sebîl ra yo ti hemin berzêr a
Qesem bi Homayî bê to cuyayîş venga zur a
Na zerr, encax pê to qelemşor û sîlehşor a
