20 Aralık 2011 Salı

rubai




92-
Her çi fikr û felsefe est o veng û varit o
Sêr karê Babîlîyan o nameyê înan Harut û Marut o
Asayê Musa, Yedê Beyza dawa ya heqî ramit o
Ordîyo ke tar û mar bîyo, ordîyê calut o.


93-

To ez kişto wel-wel kerd o     
Serê maseyan de meze kerd o
Binê lingan de rezîl kerd o
Mi se kerd o? To derd barê mi kerd o

94-

Mi ra xatira, dumanê cixarayê mi
Di rêz nuşteyê mi, xirabayê zerrê mi
Di çekuyê çêleyê serê cîger a mi
Yew şuşa ya nezenîna roşnî ya çimanê mi


95-

Ey meyxor o leymin û lîşin û nêşite
Ey remnayoxê heyatî roşnayî ra nimite
Xerîb zan o ti pirrkînî sîneyê to têkute
Ti hêzdarî, bixerepnin! Dormeyê to girewte