8 Mayıs 2012 Salı

zazaca rubai



108-

Lo meydar o! Deker nêwero ez miren o
Her çi jehr û zoqum est o mi rê varen o
Aye bêwefa şîya kulî zerrî bêderman o
Felat çînya, hok çînya deker lo meydar o





109-

Şooo, herrre! Ti zî qelbê mi bişiknin
Ti zî bide mi ro milê mi biqerefnin
No heskerdişî mi kerrayî hellnaynîn  
To zî qedir mi nêzana, de bixerepnin



110-

Na şewe şewêk a namubarek a
Dewxê mi şina zerrî ya mi qilyena
Sîneyê mi qirên o helk-helk a min a
Aye bêwefa şîy, xemlê cuyê min a


111-

Mi hess kerdbi cîger dax bi dax bîy
Felekî mi pê genayî ser û bin bîy
Çiman ra hessrî hurdi-hurdi çirr bîy
Êdî bêumud bo, şerabî yarê min bîy




rubai



104-

Çimeyê awê heyatî, awê engur a
Rem çîn o, dinya pîs a kelepur a
Felsefeyê eya zer û zor û zur a
Wa xerîb boro herca deşta duz a


105-


No çawa cuyayîşo sek wêranxane yo
Felek ma rê nêhuyena sek çîlexane yo
Her kes dano ma rê sek eşkencexane yo
Derd ma ser o varen o sek kulxane yo


106-


Ey zerr! Biveyş eyro roj a to ya
Aye bêwefa ya cîyayî barê to ya
Cefadarîye rumetê çimanê to ya
Mey bişimi, aye dermanê to ya

107-

Keyberê koyanê pirresrarî de serxoş o ez
Bi zîkrê Homayî serbest û zerrmest o ez
Dinya ya zurayîn ra dur o aşiqê eşq o ez
Beheşt çina yo? Hesretê nurê îlahî yo ez