120-

Virsoyê awiro bêhavilê to, da mîyanê çimanê mi rê

Tanya tenurê eşqî to, kul û derd viraşto ruhê mi rê

Deryayê çinbîyayîşî de Hewrê belayan bela anî mi rê

Vayê şodirî nîno, Ware yê bextîyarîye wêrano mi rê

                                               xeribzeman

121-

Ey e’zîz! Dasîyêk a sumerî koyan nêhemelnena

Kîndarî û xayîntî, merduman to ra dur fînena

Verestî ya to çend derg bibo zî biheybet xapînena

Vewrê deşt û koyan biawirê tînc lez û bez helêna

116-

Her o! Şêx û şah û mîre û beg, pîso na’letî

Sîyasetkaro zurker, bazirgano hîlekar û pintî

Ma to şinasnayo hînî ma to rê nêkenî koletî

Emrê heqî bes o! Ti hînî nêeşkenî ma bestî

                                               xerîbzeman

117-

Sofîyî ehmeqîn! Fek meerzîn na şuşa ya nazenîn

Bi xelqbîyayîşê xo şeref daya nê asmîn û zemîn

Şuşa eşqa, teselî ya qismetê herkesî nîya bizanîn

Şîretê xerîbzeman o, şuşa pirrefsuna heme rêz bibîn

                                                        Xerîbzeman

118-

Heya! Şew a tarîya wextê alemê ruhanîyan o

Şeq-şeqê asmînan a akewno virsoyê cezbeyan o  

Zerr lerzena, zerr kaş bena no nefesê efsunbazan o

Hewt felekan ra war kerdo no îlhamê şaîran o

119-

Mubtelayê esrarê verestî ya eşqê to yo ez

Raywanê rayanê telîyinanê eşqê to yo ez

Pabeste û bende û adirbazê eşqê to yo ez

O ke e’zabê bêwefayan de veyşeno ezo ez