84-
Tay alimî fikirnenî, çewte ra vanî rast a
Ê bînî murizênî rasteyê înan ra vanî çewt a
Xerîbzeman vano feleke ma de kay kena
Zindewarî muxlaq a çi çewte ya çi raste ya
85-
Madem e’mrê to, pê wel-wele şin o
Bi bîyaye û çinbîyaye dima sera şin o
Ti do bimirî, barê to ber bihewa şin o
La, kam çawa ameyo ay hawa şin o
86-
Ameyîşê to ena dinya de çîk nêzêdna
Vate û nuşteyê to ra kes çîk nêfehmna
Remayîşê to, ehmeqan ra to nêxelesna
Şîyayîşê to ena dinya ra çîk nêkêmna
87-
Sirrê bîyayîş î ne ti zanî ne ez
Felek ra ne ti fehm kenî ne ez
To, çi mi xelq kerdo bilez û bez
Ma, heme xeyalî ne ti estî ne ez
---
Ameyîşê to ena dinya de çîk nêzêdna
YanıtlaSilVate û nuşteyê to ra kes çîk nêfehmna
Remayîşê to, ehmeqan ra to nêxelesna
Şîyayîşê to ena dinya ra çîk nêkêmna
Amyayiş iy tı çê bar iy dınya zyed nikerd
Vatı u nuştan iy tı ra çıkes tava fam nikerd
Remayiş iy tı, gal iy ehmeqan ra tı xelesna
Şiyayiş iy tı ına dınya ra, tu tava kem nikerd
Madem e’mrê to, pê wel-wele şin o
YanıtlaSilBi bîyaye û çinbîyaye dima sera şin o
Ti do bimirî, barê to ber bihewa şin o
La, kam çawa ameyo ay hawa şin o
Madem tı aamr iy xwı bı welwelı beniy
biyayan u çınbiyayan dıma sera şın iy
Tı ug bımri, bar iy tı ber bı hewa şyeruw
L; bı çı ava ame'y se, tı ug bı ew ava şyeriy