RUBAİ

64-

Ey malawo şaş! mi ser o mevindir
Ti şaşî, şaşîye yê xo ser o vindir
Roşna zêde bibû, ti ver o benî kor
Goştareyê mi biki! Cayê xo de vindir

65-

Ey ayî ke mîyanî çamirî de elewyayî
Çawa qal biko kerreyî çawa bermayî
Şewqê yar ver o, lêr bîy çawa helyayî
Şeqyayî toz û duman bîy çawa filfilyayî


66-

Biza erîşin nezanan rê bîya rayber
Înan va;¨ena şêxa zanyara hember¨
Xo purt kerd ci rê viraşti keye û keyber
Ya vaşê xo werd, pişkilî kerdi înan ver


67-

Ey ayo ke şerabî mi rê xirab vanû
Xirab ayû ke ayetan ser o zure vanû
Zekat xo rê gênû feqîran rê sebir vanû
Şerab mi rê weş helalû kîtab ana vanû