153-
Aya
feriştexuy mi girewt o abluqa ya eşqê xo
E’rş
û ferş bî yew ez bîy o xerezkarê ruhê xo
Aya
xençerbiru ya zerrxap mi eşt o domê xo
La
ez sekerî, ez bîy o sehragerê xeyalanê xo
Xerîbzeman
154-
Mi
ra dur şo! Şexo galevêre û badîn
Biseqêr
ha! Cayê to sumerin û kadîn
Fenker
û fişqîxuy û firaqlês û giyîn
Hoşt!
Hoşt! Kutiko gerin û qineboyîn
Xerîbzeman
155-
Şewleyllî
mîhrabê mina carrkaş o ez
Xirabenişt
o kuz bîy o kund bîy o ez
Nimitgeh
a xo de welserî mend o ez
Xatirmende
yo, xerezkarê xo yo ez
Xerîbzeman
156-
Xem
çî yo? Şerab û kebab û rebabê ma estî
Meclisê
ma de keyneyî gulten û lewşîrîn estî
Nalet
bêr o şexan û muftîyan her çendik estî
Ma
tobe pêsekerî? Gelo tobe pîlêr guneyî estî
Xerîbzeman
157-
Mi
çimeyê hîçbîyayî ra awê mewtî werda
Derd
çimanê mi ra rişên o mi mey werda
Hînî,
zerrşikte yo mi sîleyê dostan werda
Ez
bîy o hero rut mi xapê eya rind werda
Xerîbzeman
158-
Allahu
ekber! Ey mitrib bicen, rebabê xo
Ma
pelpelîkî şewanî firrenî nat û wetê xo
E’rd
ma ra qerefên o ma kaykenî kayê xo
Ma
îbahîyî, bêguneyî fêrzanayî terêqê xo
Xerîbzeman
159-
Nê
xapkendan ver o wereb bi çarmêx a Îsayî
Pirênê
zîletî ver o wereb bi dar a Seyîd Rizayî
No
halî gemarî ra wereb bi waftîzî ya Yehyayî
Nê
herxuyan ver o wereb bi zanyarî ya Xanîyî
Xerîbzeman
160-
Ma
zerrderyayî pê laseran leyyl nêbenî
Ma
hertim çeqî, şerabî haydarî şimnenî
Ma
nurê aşme gerdenî yaran ra lêsnenî
Merg
çî yo? Ma gançale de tim zîl benî
Xerîbzeman
Hiç yorum yok:
Yorum Gönder